วันอาทิตย์ที่ 13 มกราคม พ.ศ. 2556

ก้อยงัวเมืองยโส

สืบเนื่องจากวันหยุดที่ผ่านมา มีโอกาศได้เฮ็ดกับข้าวกินเอง + ตั้งวงกับหมู่พวกนิดหน่อย
มื้อนี้ขอนำเสนอ ก้อยงัวครับ ที่เอิ้นก้อย..ย้อนว่าบ่ใส่เลือด ถ้าใส่เลือดจั่งเอิ้นลาบ
เนื้อวัวซื้ออยู่ตลาดแลงภายในซอยครับ แล่จากโครงสดๆกันเลย มีขายวันเว้นวัน  
มื่อนี้ซื้อมาครึ่งโลครับ 90 บาท ย้อนวากินกันแค่ 2 คน สาวๆพินกะบ่กินนำ



ได้มากะจัดการซอยบางๆ ขาดบ่ได้คือแนวแก้คาว สีได๋กะได้บ่เกี่ยง 555+



เอาซำนี้ล่ะครับ เดี๋ยวกินบ่เบิด 2 คนเอง
จัดการเอาดีแช่เลยครับ มักขมหลายกะใส่หลาย



ถ้าได้ดีสดแท้ๆแฮงสิแซบหลาย แต่มื่อนี้บ่มี ขอเอาดีขวดกะแล้วกัน แซบคือเก่า...วาซั่น


ส่วนที่เหลือกะแบ่งซอยจุแจ่วนำครับ แล้วกะแบ่งเฮ็ดลาบสุกนำ



ผักที่ใส่กะคือลาบทั่วไปนั่นละ หอม ผักซี ใบบักกรูด หอมเป



ส่วนที่จะเฮ็ดก้อย เมื่อแช่ดีจนได้ที่แล้ว (สังเกตุเนื้อจะเริ่มแข็งตัว) กะจัดการนำเครื่องปรุงลงไปเลยครับ
เครื่องปรุงที่ใช้กะเหมือนลาบทั่วไป พริก ข้าวคั่ว น้ำปลา ที่ขาดบ่ได้คือผงชูรส คนๆๆๆ ชิมเบิ่ง
ขาดหยังกะเติมเอา



หน้าตาออกมาประมาณนี้ล่ะครับ บ่งามปานได๋ บ่ได้จัดตกแต่ง


หันมาทางลาบสุก อั่นนี้จะเอาเครื่องในใส่นำ ซอยบางๆ หรือจะสับละเอียดกะได้
หลังจากนั้นเติมน้ำนิดหน่อย เอาไปรวนบนไฟอ่อนๆ จนเนื้อสุก (บ่ต้องสุกหลาย เดี๋ยวเนื้อจะเหนียว)
เมื่อได้แล้วเฮากะเอามาพักให้เย็น จัดการนำเครื่องปรุง+ผักลงไป แตกต่างจากแบบดิบแค่เปลี่ยนจากใส่ดี เป็นใส่บักนาวแทน (ลาบสุกทางบ้านนผมจะนิยมใส่บักนาว จะบ่นิยมใส่ดี จะใส่ดีแต่แบบดิบเท่านั้น)
เมื่อใส่ทุกอย่างลงไปแล้วกะคนๆๆๆ ชิมเบิ่ง ขาดหยังกะเติมเอา

ไม่มีความคิดเห็น:

แสดงความคิดเห็น