วันเสาร์ที่ 11 สิงหาคม พ.ศ. 2555

แกงหน่อไม้ใส่เห็ดขม”






แกงหน่อไม้ใส่เห็ดขม”
รสชาติขมอ่ำล่ำแซบดีอี้หลีคับ กินอิ่มแล้วอย่าสิฟ่าวกินน้ำเด้อคับ ขมแป่ตายย้อนเห็ดขมล่ะ พี่น้อง
เครื่องปรุงตามนี้ที่หาได่คับ
1.หน่อไม้
2.เห็ดขม(ต้มจัก 2-3 น้ำ)
3.ผักแขยง
4.ผักขะ
5.ตะไคร้
6.น้ำยานาง
7.ต้นหอมสด
8.ผักอีตู่
9.บักพริกสด, แห้ง แล้วแต่ผุมัก น้อยหลายกะตามใจเลย
10.น้ำปลา,เกลือ ใว้ปรุงความแซบนัว
11.ขาดบ่ได่ น้ำปลาแดก

ขั้นตอนการปรุง
หน่อไม้ต้มจักน้ำกะพอคับ จืดคักหลาย กะบ่ค่อยแซ่บต้องให้มีรสขมเหลือนำระหว่างต้มหน่อไม้ กะตำยานางถ่า แต่กี้เคยสงสัยว่าเป็นหยังแกงหน่อไม้ต้องใส่ยานาง บาดได๋แท้เป็นภูมิปัญญาแต่พ่อแต่แม่ หน่อไม้เป็นของร้อน ยานางมีสรรพคุณเป็นยาเย็น แกงใส่เพื่อลดความร้อนของหน่อไม้
เตรียมเครื่องปรุง วัตถุดิบ พร้อมแล้วกะเอาลงหม้อ ต้มจนแน่ในว่าสุก เติมความแซบ ความนัวด้วย น้ำปลาแดก น้ำปลา สุดท้ายใส่ผักตู่เป็นอันเรียบร้อย

ไม่มีความคิดเห็น:

แสดงความคิดเห็น