วันพุธที่ 4 กรกฎาคม พ.ศ. 2555

แนวยูแนวกินอิสานบ้านเฮา "หมกฮวกกบ"







แนวยูแนวกินอิสานบ้านเฮา "หมกฮวกกบ"
มาเด้อพี่น้องมากินเข่าเทียงจ้ำหมกฮวกกบนำกัน
ไปหาส่อนฮวกยูท่ง เลยเอยมาแบ่ง(ขาย)ให่หมกใส่ขี่มาเรียบร้อยแล้ว ของมักของแซบตั๊วะนี่ บ่ได่กินโดนแล้ว จัดการดังไฟ(ก่อไฟ)หมกกินเทียงซะเลย
ดังไฟไว่แล้วกะไปตัดใบตองกล้วยยูหลังเฮือนมาจัดการลนไฟจักหน่อยใบตองจังบ่แตก เก็บผักอีตูยูกระถางหน่าบ้านมาใส่ พริกหน่วยต้นยูข่างเฮือนมาใส่นำ เอาฮวกซาวๆกับเกลือจักหน่อนกะพอ สิใส่ผงนัวนำกะได่ ใส่หน่อยแซบหน่อย ใส่หลายแซบหลาย...
จัดการห่อใส่เหล็กปิ้งค้างไฟ ก๋าว่าให่ใบตองไหม่เทิงสองด้าน จนบ่มีน้ำในหมกไหลออกมากะคือสิสุกพอดี
เปิดออกเบิ่ง ป้าดไทพี่น้องมาหอมแท่ หอมผักอีตูแมะเต๋ดังฮวยบาดหนึ่ง
ใบตองกะบ่ต้องแจ๋ออกดอกค่างเทิงจานนี่หละ หิวเข่าแฮงแล้ว
มาๆพี่น้องบาดนี่ มาจ้ำหมกฮวกกบนำกานนนนอาหารเสริมตำบักหุ่ง ต้มหน่อฮวก แจ่วบอง
ที่มาจาก บ้านมหา

ไม่มีความคิดเห็น:

แสดงความคิดเห็น