วันพุธที่ 11 กรกฎาคม พ.ศ. 2555

อ่อมไก่ ใสผักชีลาว






อ่อมไก่ ใสผักชีลาว
แลงเมื้อนี่ ได้ไก่บ้านมาเคิ่งโต กะเลยอ่อมใสผักชี สูตรจำอิแม่มา

เครื่องปรุงตามฮูปครับ
1.ไก่บ้าน 1/2 ตัวประมาณ 1กิโล
2.ผักชี 3ขีด
3.หัวซิงใคร 4หัว
4.บักบวบ แล้วแตะมัก
5.บักเขือ จักหน่อย
6.บักพริกโพน 1/2 ขีด ผุได๋มักเผ็ดกะเพิ่มเอาคับ
7.บักเขือเครือ ดิบ 3 หน่วย
8.หัวข่าผาน 5 แว่น
9.ใบหมากกูด 5 ใบ
10.หัวหอมแดงแห้ง 4 หัว
11.น้ำปลาร้า ประมาณ 1ถ้วยน้อย, น้ำสะอาด ,น้ำปลา,ผงนัว,เกลือ เอาใว้ปรุงแต่งคับ
เริ่มตำ บักพริก,หัวชิงใคร,หัวหอมแดง,ข่า ตำพอแหลงจักหน่อยใส่เกลือนำคับมันสิตำง่าย ผักอื่นๆเฮากะซอย พอดีคำคับ
ตั้งหม้อ เอาไก่และกะเครื่องที่ตำใว้ใส่ลงไปใบมักกูดนำ ลืมบ่ได้ น้ำปลาร้าเด้อคับ ใช้ไฟปานกลาง แม่เพิ่นว่าลวนคับให้เครื่องมันเขากัน ห้ามใส่น้ำเด้อคับ
ลวนไปเรื่อยๆคับ น้ำไก่กะสิออกมาให้เห็น
ไปเรื่อยๆคับจนแห้ง จักหน่อย ระวังอย่าให่ใหม้คับ
เติมน้ำ ประมาณ 1 ลิตร กะเอาคับให้พอซด แล้วเร่งไฟแฮงๆ ปรุง ผงนัว น้ำปลา ซีมให้เค็มนำจักหน่อยหรือแล้วแตะผุมัก
สุดท้ายกะเอาผักที่เตรียมใว้ใส่ลงไป ปิดไฟทันทีคับ ผักสิสุขพอดีคับ

ไม่มีความคิดเห็น:

แสดงความคิดเห็น