วันจันทร์ที่ 9 เมษายน พ.ศ. 2555

ปลาหมอปิ้ง




ปลาหมอปิ้ง
ส่วนผสม

ปลาหมอ ( ปลาเข็ง ) เกลือ

วิธีทำ

ขั้นตอนแรกเฮากะเด็ดชีพปลาหมอ ( ปลาเข็ง ) สาก่อนจากนั้นกะนำไปเอือบใส่เกลือ( หมักเกลือ )โดยบ่ต้องเอาเกล็ดมันออก แล้วกะนำไปปิ้ง พอปลาสุกแล้วกะยกลง กินกับแจ่วบอง กับลวกผัก แม่นแท้ได้ปิ้งกิน ตอนไปสูบหนองปลา ( ลงปลา ) มันสิมีผัก พื้นบ้านให้กินหลายอย่าง เช่น ผักกะโดน ใบผักปลาดุก หน่อข่าปลา เทิ่งแซบเทิ่งหม่วนซึ่งการสูบหนองปลา ( การลงปลา ) มันกะเป็นวิถีชีวิตของคนอีสานอีกแบบหนึ่งหลังจากมีการเก็บเกี่ยวข้าวแล้ว ถ้านาผู้ได๋มีหนองปลา ( สระน้ำ ) กะสิซวนพี่ซวนน้องพากันไปสูบหนองปลา หม่วนอีหลี เว้ามาแล้วคึดฮอดตอนสมัยเป็นเด็กน้อยคะนาดไปสูบปลาหม่วนอีหลี

ไม่มีความคิดเห็น:

แสดงความคิดเห็น