วันศุกร์ที่ 13 เมษายน พ.ศ. 2555

...หมกเห็ด...








...หมกเห็ด...
...แต่ละมื่อละเว็นคึดหาแต่แนวอยากแนวกิน...หนีมาไกลบ้านท่อได๋โดนปานได๋กะบ่เคยลืมแนวพ่อแม่ พี่น้องพากิน....
อาหารอีสานบ้านเฮา เฮ็ดแบบบ้านเฮา แซบๆแบบบ้านเฮา...55

...มื่อนี่มีเห็ดขอนขาวนอยนึง สิแกงกะมีหน่อยโพด..เลยสิลองหมกเบิ่ง หมกเห็ด
บ่ได้กินโดนแล้ว...สิหมกแล้วขางเตาถ่านแบบอยู่บ้าน.
.หาหม่องดังไฟบ่ได้ กะเลยมาบ้านพักน้องพนักงาน..หลังปั้มบ่ฮ่างหม่องเก่า..

...ล้างเห็ดให้สะอาดดีแล้ว เตรียมเครื่องหมก มีผักอีตู่ ต้นหอม บักพริกดิบ ชูรส น้ำปลาแดก..ไข่เป็ด 1 หน่วย..
เรียบร้อยแล้วกะเอาเห็ดใส่หม้อน้อย ปรุงรสกะว่าพอดีแล้ว ...
เอาไข่ที่ตอกใส่ถ้วยไว้เทลงใส่แล้วคนให้เข้ากัน..จากนั้นกะหาตองมาห่อ ใบตองกะข้างฮั่วนั่นหละ...

..ห่อแล้วเรียบร้อย ได้ 2 หมกน้อย..นำขึ้นค่างเตาถ่านที่ดังไฟไว้ถ่า ถ่านกำลังแดง เป็นตะหาแนวมาจี่คือหยังนี่..

...หมกดนเติบแล้ว ประมาณ 20 นาที..ใบตองซงไหม้ๆแล้ว..คนถ่ากะหิวพอตาย..แกะออกมาเบิ่ง...พอดีกินเลย...55

..จัดการหมกแรก..ข้าวเบิดก่องนึงพอดี..พออยู่แล้วบาดนี่..ท้องอิ่มแล้วเบิดแนวห่วง..555

1 ความคิดเห็น:

  1. สุดยอด สูตรนี้ไม่เคยทำจะลองทำดูนะจ๊ะ^ ^
    ขอบคุนหลายๆเด้อ ที่แนะนำกัน^_______^`

    ตอบลบ