วันจันทร์ที่ 5 มีนาคม พ.ศ. 2555

ส้มหน่อไม้ (บ่แม่นหน่อไม้ส้มเด้อ)









ส้มหน่อไม้ (บ่แม่นหน่อไม้ส้มเด้อ)
ส้มหน่อไม้
มื้อนี้ฅนภูไทขอเสนอวิธีเฮ็ดส้มหน่อไม้อีกสูตรหนึ่งเด้อครับมาเบิ่งขั้นตอนวิธีการเฮ็ดได้เลยครับ
เครื่องปรุงกะมี หน่อไม้ ผักแป้น เกลือ ข้าวเหนียวนึ่ง ผงชูรส
หน่อไม้เผาแล้ว ปลอกเปลือกออก แล้วเฮากะเอามาซ้อยให้เป็นเส้นๆๆ
เอาหน่อไม้ไปอ่อมให้จืด
พอจืดแล้วเฮากะปั้นให้สะเด็ดน้ำ หั่นผักแป้นเป็นท่อนๆๆ ใส่ข้าวเหนียวจักปั้น ใส่เกลือลงไป ใส่ผงชูรสลงไปจักหน่อย
คั่นให้เข้ากัน
ใบตองกล้วยเอาไว้ห่อ ก่อนสิห่อเอาไปตากแดด หรือลนไฟก่อน ตองจั่งบ่แตก
เอาหน่อไม้ที่คั่นแล้วใส่ใบตองแล้วเอากะทำการห่อ
ห่อเสร็จแล้วหน้าตากะเป็นแบบนี้หละครับ ทิ้มไว้จัก1-2 มื้อกะเอามากินได้
พอเป็นแล้วเฮากะเอามากินได้ กินกับหมากพริกสด 8)8)8)

ไม่มีความคิดเห็น:

แสดงความคิดเห็น