วันศุกร์ที่ 23 มีนาคม พ.ศ. 2555

ก้อยปลาใส่มดแดง











ก้อยปลาใส่มดแดง (สูตรเจ้าเก่า ฅนภูค่าว)
หนึ่งในทีมงาน เปลี่ยนกะสิเข่ากะเดิก ซ่วงบ่ายๆกะเลยหลอยไปซิดเบ็ดฅนเดียวยู บ่อนายพล แถวๆประโดก ได่ปลายี่สกขนาดสองโลมาโตหนึ่งกันปลานิลอีกสองสามโต (พอกินแล้วแลง)
กะจัดการคัวเกล็ดเลือกเอาแต่ส่วนเนื้อๆ สับพอเป็นพิธีบ่ต้องแหลกคัก

มดแดงกะหาเอานำฮั้วแถวๆบ้านนี่หละ (กะญ้อนเห็นฮังมดแดงนี่หละกะเลยส่มปากส่มแข่ว อยากก้อยพะนะ)
จัดการคั้นใส่มดแดง

ปั้นบีบเอาน้ำออก

เตรียมเครืองก้อย พริก เข่าคั่ว ผงนัว หอมหัวแดง ต้นหอม ชีหอม เท่าที่มีในครัว

ปรุงเครื่อง พริก เข่าคั่ว ผงนัว น้ำปลา ซีมเบิ่งแซบจนถึกปาก

เพิ่มรสซาด ลูกโดด สำหรับฅนมักเผ็ด ตักใส่จานเสริฟ เป็นกับเข่าและกับแกล้มในเวลาเดียวกัน

ไม่มีความคิดเห็น:

แสดงความคิดเห็น