วันจันทร์ที่ 5 มีนาคม พ.ศ. 2555

ส้มตีนวัว








ส้มตีนสืบเนื่องมาจากกระทู้แกงผักขี้เหล็กพุ่นหละครับ พอดีโทรไปถามสูตรจากเฒ่าแม่ฝีมื้อยังบ่แก่กล้าเด้ออ้ายเซียงยังบ่กล้าเอาไปให้กิน เดี๋ยวผมกลับบ้านช่วงเดือนกุมภาสิเอามาฝากเด้อครับ มาเบิ่งวิธีเฮ็ดกันเลยครับตีนวัวหรือควาย (นำไปเผาไฟทำความสะอาดต้มจนเปื่อย) กระหล่ำ ต้นหอม ผักแป้นที่นี้เฮากะมาเลาะเอาเนื้อเอาเอ็น มาหั่นเป็นชิ้นบางๆ ขนาดพอคำ ส่วนผักเฮากะเอามาหั่นเป็นท่อนๆ แล้วกะเอาไปตากแดด(การนำผักไปตากแดด เวลาเฮาคั่นสิเฮ็ดให้ผักบ่มุ่น น่ากิน)พอผักได้ที่แล้วเฮากะเอามาใส่หม้อเตรียมคั่น ใส่ เกลือ ข้าวเหนียวนึ่งลงไป แล้วกะทำการคั่นส้มเอาเนื้อกับเอ็นที่หั่นไว้ มาคั่นใส่กัน ใส่ผงชูรสลงไปเพื่อความแซบ คั่นให้เข้ากันใช้ลิ้นแตะเบิ่งว่าเค็มได้ที่หรือยัง ( เฒ่าแม่เพิ่นบอกว่าให้เค็มปะแล่มส่ำกับเหงื่อเจ้าของถือว่าใช้ได้) พอได้ทีแล่วเฮากะปิดฝาให้มิดชิดทิ้มไว้จัก1-2 มื้อกะเอามากินได้พอเป็นแล้วเฮากะตักใส่จานเสริฟพร้อมบักพริกสด สิกินกับข้าวเหนียวหรือสิแกล้มเหล้ากะสุดยอด 8)8)8)ปล.อันนี้เป็นสูตรทางสกลเด้อครับ

ไม่มีความคิดเห็น:

แสดงความคิดเห็น