วันจันทร์ที่ 30 มกราคม พ.ศ. 2555

แกงหน่อไม้ส้ม





แกงหน่อไม้ส้ม
หลังจากห่างหายการเข้าครัวไปหลายมื้อ มื้อนี้ว่างกะเลยเข้าครัว พอดีแนมเห็นหน่อไม้ส้มที่เฮ็ดใส่ไหไว้ตั้งแต่ยามฝนปีที่แล้ว กะเลยไปซื้อปลาค่อมาแกงใส่ หน่อไม้ส้มหรือหน่อไม้ดองกะถือว่าเป็นภูมิปัญาของบรรพบุรุษเฮาที่สืบทอดกันมาแต่โบราณ เป็นการถนอมอาหารอีกวิธีหนึ่งที่สิเก็บไว้ให้กินได้โดนๆ หน่อไม้ส้มสิแกงใส่หยังกะแซบ บ่ว่าปลาหรือไก่ หรือสิเอามาซุปกินกะแซบคือกัน มาเบิ่งวิธีเฮ็ดกันเลยครับ

เครื่องปรุงกะมี หน่อไม้ส้ม(ล้างแล้วกะปั้นเอาน้ำออกก่อนเด้อ) ปลาค่อ พริก ตะไคร้ ต้นหอม ผักอีตู่ แล้วกะปลาแดก

ทีนี้เฮากะเอาหม้อไปค้างไฟ รอให้น้ำเดือดแล้วกะใสห่อไม้ส้ม บักพริกตำกับตะไคร้ลงไป พอน้ำเดือดอีกทีกะใส่ปลาลงไป

พอปลาสุกดีแล้วกะใส่ผักอีตู่ ต้นหอมลงไปแล้วปรุงรสด้วยน้ำปลาแดกรสชาดตามใจชอบยกหม้อลง

ตักใส่ถ้วยเสริฟพร้อมข้าวเหนียวกินกำลังฮ้อนๆ 8)8)8)

ซดน้ำฮ้อนๆ 8) รสชาดสิออกเปรี๊ยวนิดๆ ซดแล้วมีแฮงท้อง

ไม่มีความคิดเห็น:

แสดงความคิดเห็น