วันพฤหัสบดีที่ 1 ธันวาคม พ.ศ. 2554

แกงปลาค่อใหย่ใส่บักอิฮุม(แกงปลาช่อนใส่มะรุม










สวัสดีจ้า พ่อแม่พี่น้องชาวบ้านมหาทุกๆท่านจ้า มื้อนี้มีเมนูอาหารการกินมาฝากอีกคือเก่า
เนื่องจากว่า เลิกงานแล้วใช้เวลาอั่นหน่อยนิดไปหย่างเตร่ ในตลาดแลงใกล้ๆบ้าน หย่างไปหย่างมาไปพ้อ
"บักอิฮุม" สดๆสีเขียวเข้ม ของยายชราขาประจำ เลยอุดหนุนมา ถุงหนึ่งเลือกที่ยายเลาปอกเปลือกให้เรียบร้อย


จากนั้นกะหย่างไปร้านขายปลา ได้ ปลาค่อ(ปลาช่อน)มา สามสี่ต่อน(ขีดละ13บาท)เลือกแบบที่เขาหั่นให้เรียบร้อย เพราะประหยัดเวลา

เหลียวไปเห็น สัตว์ครึ่งบกครึ่งน้ำชนิดหนึ่ง คุ้นๆ ถามว่าขายจั่งได๋ ถุงละ ยี่สิบ จัดไปหนึ่งถุง อิอิ

มาฮอดบ้านกะจัดการแบบบ่รอช้า ล้างอิปูก่อนเลย โปรดระวัง อิปูน้อยหนีบมือ นำเด้อจ้า

แกะกะดองปูออก แยกชิ้นส่วน โตปูเอาไปตำ คั้นเอาแต่น้ำกับเนื้อ

น้ำที่ได้กะเอาใส่หม้อ เปิดไฟแรงสุด(กะทะไฟฟ้า)

งวกมาหาพระเอกของงาน(บักอิฮุม)ล้างก่อนจะเอาลงสงน้ำอิปู ^_^


พอน้ำแกงเดือดกะใส่
+พริกสดเพิ่มสีสันและรสชาตที่เข้มข้น
+ตะไคร้เพื่อดับกลิ่นคาว
+บักขามเปียกเพื่อปรุงรส
+เกลือเพื่อความนัว
+น้ำปลาร้าเพื่อแต่งกลิ่นและรสชาตที่กลมกล่อม
+สุดท้ายผงชูรสเพื่อความแซบยิ่งขึ้น
แล้วก็ตามด้วย บักอิฮุม โยนลงไป...(ทำเสียงแบบอาจารย์ยิ่งศักดิ์)

เวลาผ่านไปสิบนาที หม้อเดือดพลุบๆๆ ได้เวลา นางเอกของงาน ลงสงน้ำแล้ว ใส่ทีหลังเพราะว่าย้านปลาบ่สวย

ใส่ผักและหอมต่างๆตามลงไป ปิดฝาหม้อรอให้เดือดอีกครั้ง ก็เป็นอันเสร็จ...

ผ่านไปห้านาที ผักและปลาสุกพอดี ซิมรสชาตแต่..อ่อนรสเค็มไปนิดหนึ่ง ก็เติมน้ำปลาหน่อยๆ เท่านี้ก็อร่อยละ สำหรับเมนูเย็นนี้(กว่าจะเสร็จก็เกือบสามทุ่ม)


พร้อมเสริ์ฟ ค่ะ(เว้าไปเว้ามาสำเนียงลงท้ายคือเป็นคนทางกรุงเตป น้อบาดนี้ )

ไม่มีความคิดเห็น:

แสดงความคิดเห็น