วันจันทร์ที่ 21 พฤศจิกายน พ.ศ. 2554

แกงบักไข่ผำ






มื้อไปได้อึ่งมานั้นหละครับ ได้บักไข่หำ โอ๊ะบักไข่ผำมานำ2โล โลละ50 สิแกงกินลองเบิ่งครับ มีแต่เฒ่าแม่เลาเฮ็ดสู่กิน บ่เคยเฮ็ดเองจักเถื่อ

ตั้งหม้อใส่น้ำโลดครับ แต่อย่าใส่น้ำหลายเด้อครับ มันหล่วงน้ำ มันสิบ่แซบ ทุบพริกกับตะไคร้ใส่ลงไปครับ พอเดือดจั่งใส่ไข่ผำลงไปครับ

ช่วงรอไข่ผำสุกกะเด็ดผักอิตู่กับหั่นหอมไว้ครับ พอสุกแล้วกะปรุงเลยครับ ก่อนสิปงหม้อ จั่งใส่ผักลงไปแล้วยกลงเลยครับ รูปตอนใส่ถ้วยบ่มีเด้อครับ แบตโทสับเบิด บ่ได้ถ่ายรูปจ้อย

ไม่มีความคิดเห็น:

แสดงความคิดเห็น