วันจันทร์ที่ 14 พฤศจิกายน พ.ศ. 2554

ก้อยปลายี่สกใส่มดแดง









พากันไปซิดเบ็ดมา ได่ปลายี่สกมาสองโต กลับมาเถิงบ้านพักกะเกือบหกโมงแลงกะเลยพากันก้อยปลายี่สกกินจักหน่อย
เห็นโตงามๆสดๆกะเลยคึดยากกินก้อยใส่มดแดงจัดการขูดเกล็ดแล่เอาแต่เนื้อๆฟักแบบเดียวกันกับสิก้อยงัวนี่หละส่วนที่เหลือจากสิก้อย บ่อว่าหัว พุง ก้างติดเนื้อกะจัดการต้มไว่ซดน้ำฮ้อนๆนี่กะทุ่มแล้วหาไฟฉายเตรียมเข่าป่าหาฮังมดแดงเอามาคั้นใส่เนื้อปลา กะหาแถวๆป่าใกล้ๆบ้านพักนี่หละ ฮังที่ ๑ ฮังที่ ๒ ยังบ่ทันได่พอ ต้องอีกจักฮังเป็นฮังที่ ๓จัดการคั้นใส่กับมดแดงแล้วกะปั้นเป็นก้อนๆเผื่อบีบน้ำออกเอามาคนให่เข่ากันเตรียมสิปรุงเครื่องลาบเครืองก้อย ใส่พริกเข่าคั่วแล้วปรุงรสชาติตามต้องการ ห่ามใส่บักนาวอีกเด็ดขาด(สูตรไผสูตรมัน)เสร็จแล้วครับพร้อมเสริฟอันนี่ก้อยดิบใส่มดแดงไผบ่มักก้อยกะเอาไปคั่วให่สุกกะแซบได่คือกันส่วนต้มกะตักมาปรุงเป็นถ่วยๆไปเพื่อให่มีสีสันกับรสจัดๆกะใส่พริกผงจักซ้อนโต๊ะมาครับมาหยับเอากันแนบาดนี่ มาคุ้ยก้อยปลายี่สกใส่มดแดงนำกัน (ขออภัยครับหาผักกินกับบ่ทัน)

ไม่มีความคิดเห็น:

แสดงความคิดเห็น