วันพุธที่ 10 สิงหาคม พ.ศ. 2554

กินก้อยลิ้นวัวดิบ










มาครับมา กินก้อยลิ้น นำกันเด้อไทพี่น้อง
พอดีลูกเขยของหมู่มีเขียงเนื้ออยู่บ้านโพนกะเลยสั่งได่ปานก๊วยเตี๋ยว แนวได๋แซบจัดการโลดเสี่ยว สิกินซ้อยดอก

แบ่งลิ้นออกเป็นสองส่วน ส่วนหนึ่งก้อยส่วนปลายลิ้นกะย่าง

ส่วนที่สิก้อยกะจัดการซอยน้อยๆบางๆ ต้องเอาเฉพาะลิ้นๆอีหลี

ส่วนเครืองในกะใส่ตับอย่างเดียวซอยน้อยๆบางๆคือกัน

ก๋าว่ากินกันพอแซบๆกะพอ เพราะว่าเฮ็ดกินหลายอย่างหลายแนว

จัดการเทเพี้ยกับบี(ของแท้)ลงคนๆให่เข่ากันแซไว้จักยี่สิบนาที

เฮ็ดไปนำกะฮองท้องไปนำมักแนวใด๋กะใส่โลด โดนๆกินนำกันเทือหนึ่ง

แจ่วเพี้ย กับบีของแท้ลูกเขยเพิ่นจัดให่.....

มีหมู่อีกคนอยู่บ้านหนองกุงน้อยแถวๆสามชัย เลยโทร.เอิ้นเอากัน เพิ่นเลยเอาหลานน้อยมาอ้างหมู่(กำลังเป็นตาซัง)

เพิ่นว่าเลี้ยงง้ายงายกินเล่นอ้อแอ้ๆแล้วกะนอน บ่ส่อบ่ไห่

ส่วนปลายลิ้นกะจัดการเตรียมหมักเครืองแล้วกะย่าง

บ้านเจ้าภาพอยู่อำเภอคำม่วง



ในระหว่าที่รอกะเฮ็ดอย่างอื่นไปนำ


เนื้อน่องลายกะหั่นพอดีคำเอาไปอู๋ใส่เพี้ยนำจักหน่อยใส่เครืองมี ข่า ตะไคร่ ใบบักกูด แล้วปรุงรสตามใจเธอ

หมักได่ที่แล้วกะปรุงเครื่องใสพริกเข่าขั่วน้ำปลาผงนัว ขมบ่พอกะใส่บีเพิ่มอีก ขมแป๋ตาย

ซิมเบิ่งแซบถึกปากแล้วกะตักใส่จานพร้อมลุย
เนื้อน่องลายกะสุกแล้วตักใส่จานเอามาจิ้มกับแจ่วเพี้ยขมๆ แซบบบบบบบบบบบบ

ลิ้นย่างสุกแล้วกะหั่นมาเสริฟฮ้อนๆกะแซบบบบบบอีก

ส่วนเครื่องในที่เหลือกะต้มฮ้อนๆซดน้ำจักหนอย มาเด้อพี่น้องบาดนี่ มากินก้อยลิ้น ลิ้นย่าง อู่เนื้อลาย ต้มเครื่องในนำกัน

กินกันไปคุยกันไปแนวโดนๆเห็นกันเทือ อิ่มหนำสำราญกันทุกคน ดื่มกันนิดหน่อยแก้คาว หกโมงก่าๆกะแยกย้ายขับรถกลับกัน ไปแล้วเด้อหมอมีโอกาสจังเอิ้นมากินใหม่เด้อ เมี่ยนพาเข่าเอาเองเด้อ

ไม่มีความคิดเห็น:

แสดงความคิดเห็น