วันพุธที่ 10 สิงหาคม พ.ศ. 2554

สาโท สูตรไทอำนาจ









เบิ่งแลงนอนตื่นแต่เว็นครับ ย้อนหม่าข้าวไว้หม้อหนึ่งครับ สิเฮ็ดสาโทไว้กินลองเบิ่ง นึ่งข้าวเต็มมวยพอดีพี่น้อง พอยุดอกเนาะแป้ง5ก้อน

หน้าตาแป้งสาโทครับ ลูกน้องเอามาฝากแต่ทาง อ.ป่าติ้ว จ.ยโสธร (ลูกน้องกะส่งเสริมคักเรื่องเหล้ายานี้

แป้งกะตำไว้ครับตอนถ่าข้าวสุก ตำให้แหลกๆครับ

ข้าวเหนียวนึ่งสุกแล้วกะเอามาตากให้เย็นครับ เสร็จแล้วกะเอาไปล้างออก ล้างจัก3น้ำกะพอ จนมันเบิดเมือกพู้นหละครับ ถ่าบ่เบิดสาโทที่เป็นแล้วมันสิส้มครับพี่น้อง เพราะว่าน้ำตาลในข้าวเหนียวมันสิเฮ็ดปฏิกริยากับแป้ง คือจั่งเฮาเฮ็ดส้มปลา ส้มเนื้อนี้หละครับ มันสิส้มย้อนข้าวเหนียว


เอาแป้งสาโทที่ตำจนแหลกมาคลุกเคล้าให้เข้ากัน ซาวจนมันเข้ากันดีๆกับข้าวที่ล้างน้ำแล้วครับ จั่งเอาใส่โอ่งน้อยที่เตรียมไว้ ปิดปากโอ่งด้วยถุงพลาสติกครับ หละกะมัดด้วยเชือกให้แน่น อีก7มื้อจั่งสิมาเปิดผ่าน้ำอีกเถื่อครับ ถ่าชิมเด้อพี่น้อง

ไม่มีความคิดเห็น:

แสดงความคิดเห็น