วันอังคารที่ 26 กรกฎาคม พ.ศ. 2554

อุกะปู (อ่อมปูนา)










อุกะปู (อ่อมปูนา)

ตอนช่วงบ่ายคนภูไทไปย้ายงัวไปล่ามไว้ตีนทุ่งเอาเสียมไปนำ กะเลยไปหาขุดกะปูได้มาหลายเติบกะเลยสิเฮ็ด อุกะปูสู่พี่น้องเฮากินแลง มาเบิ่งขึ้นตอนวิธีการเฮ็ดกันเลยครับ



พอได้ปูมาแล่วเฮากะเอาไปล้างให้สะอาด




เอากะปูไปตำให้ละเอียด ขั้นตอนนี้อาจสิโหดนิดๆแต่อย่าคิดอิหยังหลาย




พอกะปูละเอียดดีแล่วเฮากะเติมน้ำลงไป




นำมากรองคั้นเอาแต่น้ำ เฮ็ดแบบนี้จักสองถึงสามครั้งจนน้ำเริ่มใส



นำน้ำปูที่ได้ขึ้นตั้งไฟ เคี่ยวให้น้ำแห้ง



ใส่พริก ใส่ปลาแดกลงไป



ใส่ผักชีลาว ดอกผักบั่ว (ต้นหอม) ลงไป



ใส่ข้าวคั่ว ผักอีตู่ลงไป ปรุงรสตามใจชอบ ยกหม้อลง



ตักใส่ถ้วยเสริฟกำลังฮ้อนพร้อมข้าวเหนียว8)8)8)



ตามสูตรทางบ้านผมอิหลี เขาสิใส่กบใส่เขียดหรือใส่ปลานำเด้อครับ


ปล. เคี่ยวให่น้ำแค่นๆเด้อมันจั่งสิแซบสินัว

ไม่มีความคิดเห็น:

แสดงความคิดเห็น