วันอังคารที่ 26 กรกฎาคม พ.ศ. 2554

ซั้วไก่







ซั้วกะเป็นอาหารอีกประเภทหนึ่งของชาวอีสานบ้านเฮา แต่อาจสิบ่ค่อยแพร่หลาย รึอาจสิสูญหายไปกับกาลเวลา เด็กน้อย รุ่นใหม่ อาจสิบ่รู้ว่าซั้วคืออิหยัง ซั้ว ถ้าสิอธิบายให้เห้นชัดๆกะน่าสิประมาณต้มแซบ แต่ต้มแซบสิมีเครื่องปรุงคล้ายๆลาบ ส่วน ซั้วสิใส่ใส่ผักแพวนำ กะเลยให้กลิ่นและรสชาดต่างกัน มาเบิ่งกันเลยครับ ฅนภูไทเองกะร้างราห้องครัวมาโดนเติบแล้วหละ จักสิแซบส่ำได๋มาชิมเอาเด้อครับ ส่วนแนวที่นิยมเอามาเฮ็ดซั้วได้กะมีบ่กี่อย่าง เท่าที่คนภูไทเห็นกะมี ซั้วไก่ ซั้วงู ซั้วกบ ซั้วน้องงัว นอกจากนี้กะบ่ค่อยเห้น
อันดับแรก เฮากะจัดการต้มน้ำให้เดือด แล้วกะเอาไก่ลงไปต้ม ใส่ข่าตะไคร้ ใบบักกรูดเพื่อดับกลิ่นคาว แล้วกะใส่น้ำปลาแดกลงไปเพื่อความนัว แต่บ่ต้องใส่หลายเด้อ(เพราะเฮายังสิมาปรุงอีกที) ใส่เกลือรึนำปลาลงไปนำ

ลืมบอกไปไก่ที่สิเอามาซั้วต้องเป้นไก่บ้านท่อนั้นเพราะเอาไก่พันธุ์มาเนื้อมันสิเละ พอไก่สุกเปื่อยดีแล้ว เฮากะเอามาพักไว้ให้เย็น

พอเย็นแล้วเฮากะจัดการฉีกเนื้อให้เป็นชิ้นๆ (บ่นิยมสับเด้อ) ส่วนกระดูกที่เหลือกะบ่ต้องทิ้ม เอาไว้ใส่นำกันนั่นหละเพื่อความแซบควมนัว

ทีนี้เอากะมาปรุงกันเลย จัดการเอาเนื้อไก่ใส่ลงไปในน้ำต้ม ใส่ พริก ข้าวคั่ว ต้นหอม ผักชี ผักชีฝรั่ง ผักอีเสริม ผักแพว หั่น ลงไป บีบบักนาวลงไปเพื่อเพื่มรสชาด ปรุงรสตามใจชอบ

ตักใส่ถ้วยเสริฟกำลังฮ้อนๆพร้อมข้าวเหนียว ถ้าสิให้เด็ดต้อง เป๊กบักสองซาวก่อนจักเป๊ก ฅนภูไทรับประกันความแซบคร๊าบบบบ

อะแบ่งให้พี่น้องบ้านมหาแบ่งกันซด อย่าเซื่องบ่วงเด้อหละ 55555

ไม่มีความคิดเห็น:

แสดงความคิดเห็น