วันอังคารที่ 26 กรกฎาคม พ.ศ. 2554

คั่วไข่สูตรโบราณ






คั่วไข่สูตรโบราณ (อาหารยามจน)

มื้อนี้ ฅนภูไทขอเสนออาหารที่ผุเฒ่าผุแก่เพิ่นกินยามจน บ่มีหยังกิน ผุเฒ่าเพิ่นกะสิไปเอาไข่ในฮังมาคั่วสู่ลูกสู่หลานกิน สมัยก่อนบ่มีน้ำมันพืช มีแต่น้ำมันหมูแต่กะหายากพอสมควร บ่มีเงินสิซื้อ ผุเฒ่าเพิ่นเลยเอาน้ำใส่แทน ซุมื้อนี้คนรุ่นใหม่คือสิบ่ค่อยได้กินเมนูนี้ปานได๋น้อ คือสิมีแต่ทอดใส่น้ำมันกันหมด มาเบิ่งวิธีเฮ็ดกันเลยครับ
พอได้ไข่จากฮังมาเอากะตอกใส่หม้อ ผุเฒ่าเพิ่นบ่เอามาหลาย เอาไว้ให้แม่มันฟัก
ตำบักพริกใส่ลงไป ใส่ต้นหอม น้ำปลาแดก ผงชูรส ปรุงรสตามใจชอบ
เติมน้ำลงไป ตีให้เข้ากันแล้วกะยกขึ้นตั้งไฟ
พอน้ำเดือด ไข่เริ่มแค่นให้คนดู๊ๆเดี๋ยวมันสิไหม้หม้อ พอสุกดีแล่วกะยกลง
ตักใส่จานเสริฟพร้อมข้าวเหนียวฮ้อนๆ 8)8)8)
นี่หละครับหน้าตาของอาหารยามจนของคนสมัยก่อนกะเป็นจั่งซี้หละ ผุข้าได้กินดู๊คักเพราะว่าเกิดมาจน

ไม่มีความคิดเห็น:

แสดงความคิดเห็น