วันอังคารที่ 26 กรกฎาคม พ.ศ. 2554

ซุปเห็ดกระด้างสูตรเด็ด







ซุปเห็ดกระด้างสูตรเด็ด
เห็ดกระด้างหรือเห็ดบด เป็นอาหารที่คนนิยมกินทั้งสดทั้งแห้ง มื้อวานฅนภูไทเอางัวไปล่าม ไปพ้อเห็ดกระด้างขอนหนึ่ง เลยสิเอามาซุปสู่พี่น้องเฮากินมาเบิ่งวิธีเฮ็ดกันเลยครับ
เห็ดกระด้างที่เก็บมาได้
เครื่องปรุง ผักที่ใส่กะมี หมากถั่ว หมากแข้ง หมากเขือ ถั่วพู ผักแพว ต้นหอม ผักชี สาระแหน่ งาคั่ว แล้วกะปลาค่อ
เอาเห็ดกระด้างไปล้าง ใส่หม้อขึ้นตั้งไฟ ใส่หมากถั่ว หมากแข้ง หมากเขือ ถั่วพู ลงไป
พอน้ำเดือดใส่น้ำปลาแดกลงไป ใส่ปลาค่อลงไป
กะว่าเห็ดสุกดีแล้วกะเอามาหั่นแล้วกะฟักให้ละเอียด
เอาเห็ดที่ฟักได้ที่แล้วไปตำเพื่อให้นุ่มบ่แข็ง แล้วกะหั่นหมากถั่ว ถั่วภู ใส่ลงไป ใสหมากแข้งหมากเขือลงไป ตำให้เข้ากัน
ใส่เนื้อปลาค่อลงไปตำให้เข้ากัน
ใส่งาคั่วป่น(ลืมบอกไปต้องเอางาไปคั่วแล้วกะตำให้ละเอียดก่อน) ใส่ผัก พริกป่น ใส่น้ำต้มลงไป ปรุงรสตามใจชอบ

ไม่มีความคิดเห็น:

แสดงความคิดเห็น