วันอังคารที่ 26 กรกฎาคม พ.ศ. 2554

ต้มเอี่ยน(ปลาไหล) ต้มเปรต






มื้อวานฅนภูไทบ่ได้ไปเล่นน้ำสงกรานต์ ผุเฒ่าเพิ่นชวนไปแทงเอี่ยน หมานเติบได้มาเกอบสิบโต แบ่งกันเอาไปกิน ส่วนโตใหญ่มันกะ พากันเอามาต้ม แกล้มเหล้า มาเบิ่งกันเลยครับ

สำหรับวิธีการและขั้นตอนในการต้มเอี่ยนกะบ่มีหยังยาก อันดับแรกกะจัดการดังไฟ ค้างหม้อ ใส่น้ำพอประประมาณ ใส่ ข่า ตะไคร้ ใบบักกรูดลงไป ใสกระชายลงไปนำเพื่อดับกลิ่นคาว

พอน้ำเดือดๆ ใส่เอี่ยนลงไปปิดฝาให้แน่น เดี๋ยวน้ำฮ้อนสิกระเด็นใส่

พอน้ำเดือดอีกทีเฮากะมาปรุงกันเลย ใส่ปลาแดก น้ำปลาบักขามเปียก รึ ใบบักขามอ่อนกะได้ ลงไป ปรุงรสตามใจชอบ


กะว่าเอี่ยนเปื่อยดีแล้วกะตักใส่ถ้วย เสริฟกำลังฮ้อนๆพร้อมแจ่วหมากพริก มีบักสองซาวนำ สุดยอดครับ

ผุเฒ่าว่ายอดเนื้อคือหมายอดปลาคือเอี่ยน มันแม่นอีหลีตั้ว เหอๆ (เป็นความเชื่อส่วนบุคคลห้ามลอกเลียนแบบ)

ไม่มีความคิดเห็น:

แสดงความคิดเห็น