วันเสาร์ที่ 21 พฤษภาคม พ.ศ. 2554

ต้มอึ่งใส่ใบบักขามอ่อน







ยามเช้าวันทิตย์ที่ผ่านมา ไปหย่างตลาดใกล้บ้านมาครับ มีเจ้าหนึ่งขายอาหารอิสานบ้านเฮา พ้ออึ่งครับ มีเทิ่งอึ่งยาง อึ่งเพ้า ซาดหว่าบ่ได้กินอึ่งมาหลายปีแล้ว กะเลยกัดใจซื้อครับ โลละ250 ต่อกะบ่ลด เลาหว่าอึ่งยามนี้ ถ่าพายุฤดูร้อนบ่เข้ากะบ่มี แหม่นคือเลาหว่ายุครับ ยามนี้พายุฤดูร้อนเข้า ฝนตกไปทั่ว ทั้งๆที่เป็นหน้าร้อน อึ่งมันหว่าแต่เป็นหน้าฝน มันเลยออกมาเล่นฝนถืกคนจับไปกินจ้อย
ขั้นตอนแรกผ่านเลยน้อครับ มันซงสิโหดโพด แต่หว่าฆ่าแล้วแกงไปวัดคือสิบ่เป็นหยังน้อครับต้มน้ำเลยครับ ต้มอึ่งกะเฮ็ดคือต้มส้มทั่วไป ล้างอึ่งให้สะอาด พอน้ำเดือดกะ ใส่ข่า ตะไคร้ ใบมะกรูด ใส่กระชาย ใบบักขามอ่อน แล้วกะใส่อึ่งลงไปปรุงรสตามใจชอบ
ใส่ตะไคร้ทุบ ใบบักกรูด ข่าทุบ หละกะเกลือลงไป พอเดือดจักหน่อยใส่ใบบักขามอ่อนลงไปครับ พอเดือดอีกเที่ยวจั่งใส่อึ่งลงไปครับมันจั่งบ่คาว
พออึ่งสุกกะปรุงเลยครับ อึ่งใหม่ต้มบ่โดนกะเปื่อยแล้วครับ มาๆกินข้าวกับต้มอึ่งนำกันครับ

ไม่มีความคิดเห็น:

แสดงความคิดเห็น