วันอังคารที่ 12 เมษายน พ.ศ. 2554

หมกฮวก...ลูกอ็อด






วิธีการเฮ็ด กะคือ การเฮ็ดหมกทั่วไป สำหรับเครื่องปรุง กะใส่แค่เกลือ จักเล็กน้อยเท่านั่น บ่ต้องใส่หลายมันสิเค็ม และสิ่งที่ขาดบ่ได้สำหรับการเฮ็ดหมกฮวก กะคือ ผักอีตู่ ถ้าหมกฮวกขาดผักอีตู่ มันบ่ครบสูตร เครื่องปรุงอย่างอื่น กะมี บักพริกดิบมาหักใส่นำจักสองสามหน่วย หัวผักบั่วมาทุบใส่นำกะดี เอาคลุกเคล้าใส่กันแล้วกะเอามาห่อใส่ใบตองเป็นหมก สำหรับตองที่เอามาห่อกะใช้ได้ทั้งใบตองกล้วย หรือใบตองกุง ใบตองซาด กะได้คือกันหลังจากเฮ็ดหมกแล้ว หลังจากนั้นกะต้องเอามาเฮ็ดสุก โดยการเอามาหมกไฟ เอามาตั้งบนถ่านไฟ ให้มันสุก วิธีการเบิ่งว่าหมกฮวกมันสุกหรือยัง กะโดยการทดลองยกเบิ่ง ถ้าหมกได๋น้ำหนักเบาขึ้น กะแสดงว่าสุกแล้ว หมกได๋ยังหนักๆอยู่คือเก่า แสดงว่าบ่ทันสุกต้องค่างไฟต่ออีกจักคราว เมื่อหมกฮวกสุกดีแล้ว กะจัดการเอาลงมา เขยออกกิน กลิ่นหอมห่วย เอาปั้นข้าวเหนียว คุ่ย คำใหญ่ๆ หักบักพริกใส่นำ ซี๊ด....เทิงเผ็ด เทิงแซบ มา มา มากินข้าวกับหมกฮวก นำกัน
เสร็จแล้วหมกฮวกสุดแซบบบบบบบบบบบบ ^O^ ขอเบียร์ช้าง หรือเหล้าขาวมาหน่อยยย^O^ เร็ว เร็ววววว
แม่จะนำเอาลูกฮวกมาไซ่ขี้ออก(บีบขี้ออก) แล้วล้างน้ำ ส่วนข้อยอีแม่สิบอกให้ไปเก็บผักอีตู่(ใบแมงลัก) กับพริกขี้หนูและหัวซิงไค(ตะไคร้) ที่สวนหลังบ้าน อีแม่บอก"อย่าลืมตัดใบตองมานำเด้อ" คราวนี้ผมจะบอกถึงเมนูอร่อยว่ามีเครื่องปรุงอะไรบ้าง เผื่อบางคนจะอยากรับประทานก็ทำเองได้(แต่ขอบอกว่าอีแม่เฮ็ดแซ่บที่สุด) เอาหล่ะมาเริ่มกันเลย

1.ฮวก บีบขี้ออกเรียบร้อยแล้ว(ขาดไม่ได้เลยเพราะเดี๋ยวจะกลายเป็นหมกอย่างอื่น)1 ถ้วยหรือมากกว่า(ตามแต่จะหามาได้)

2.พริกขี้หนู ตามชอบ

3.ใบผักอีตู่(แมงลัก) เยอะหน่อย(ยิ่งเยอะยิ่งหอม)

4.หัวซิงไค(ตะไคร้) พอควร

5.เครื่องปรุงรส(เกลือ,น้ำปลาแดก,น้ำปลาและผงชูรส(ขาดไม่ได้นะ))

6.ใบตอง (อันนี้ก็ขาดไม่ได้เพราะถ้าขาดแล้วหมกจะเอาอะไรห่อ และจะเป็นห่อหมกได้อย่างไร)

ไม่มีความคิดเห็น:

แสดงความคิดเห็น